ዓላማ

“ሁሉም አንድ ይሆኑ ዘንድ . . .

እኛም አንድ እንደሆንን አንድ ይሆኑ ዘንድ፤ እኔም በእነርሱ

አንተም በእኔ ስትሆን፥ በአንድ ፍጹማን እንዲሆኑ . . .”

 ዮሐንስ 17፥21 – 23

​“ይሁን እንጂ. . . በአንድ ልብ ስለ ወንጌል ሃይማኖት አብራችሁ እየተጋደላችሁ፥ 
በአንድ መንፈስ እንድትቆሙ።”

ፊልጵስዩስ 1፥27

አላማዎች፦

1ኛ) በሰሜን አሜሪካ ሚድዌስት time zone ላይ በሚገኙት የኢትዮጵያ ወንጌላውያን አብያተ ክርስቲያናት መካከል መቀራረብና አንድነት መፍጠር። ይህን ኅብረት ልዩ የሚያደርገው ኅብረቱ የሚያተኩረው በመሪዎች ላይ ሳይሆን በአብያተ ክርስቲያናቱ መካከል ስለሆነ የመሪ ለውጥ በሚኖርበትም ጊዜ ኅብረቱ ቀጣይነት ይኖረዋል።

2ኛ) በአብያተ ክርስቲያናቱ ምዕመናን መካከል የበለጠ መቀራረብ ለመፍጠር በአመት አንድ ጊዜ ሁሉም አባላት የሚገኙበት የመነቃቂያ ኮንፍራንስ በማዘጋጀት ጌታን አንድ ላይ መፈለግ፣ ማምለክና ወቅታዊ ትምህርቶች መስጠት። በተጨማሪም ማዕድ አብሮ በመቁረስ፤ እርስ በርስ በመወያየት የሞቀ አንድነት እንዲለማመዱ ማድረግና የጌታን እራት አብሮ መውሰድ።

3ኛ) በየጊዜው የሚነሱትን መጽሐፍ ቅዱሳዊ ያልሁኑ ትምህርቶች በጋራ ለመከላከል ትክክለኛውን ትምህርት ማስተማርና ተገቢውን እርማት መስጠት።

4ኛ) ለአገልጋዮች በየከተማው ስለሚካሄደው የወንጌል ስርጭት ልዩ ልዩ ስልጠናዎችን መስጠትና የአሠራር ልምዶችን መለዋወጥ።

5ኛ) የጋራ የሆኑ የሚሽን ስራዎችን በኢትዮጵያና በሌሎችም ስፍራዎች ማካሄድ።

6ኛ) በመካከላችን ያሉትን ጸጋዎች ለመከፋፈል እንድንችል  አገልጋዮችን መለዋወጥ።

7ኛ) ወጣቶቻችን በአንድ ላይ እንዲገናኙ፣ እንዲተዋወቁና የአገራቸውን ባህሎች እንዲረዱ ለማድረግ የሚያስችሉ ሁኔታዎችን ማመቻቸት።

8ኛ) በተለያየ ዕድሜ ክልል ለሚገኙት ታዳጊ ሕፃናትና ወጣቶች መንፈሳዊ ቅስቀሳና ስልጠና በማድረግ ተተኪውን ትውልድ ለእግዚአብሔር ስራ ማዘጋጀት።

9ኛ) መሪዎች በአመት አንድ ጊዜ ተገናኝተው አብረው እንዲጸልዩ፣ የእግዚአብሔርን ስራ በተመለከተ እንዲወያዩና ለሚመጣው አመት ዕቅድ እንዲያወጡ እግረ መንገዱንም የመሪዎቹ ስብሰባ በሚደረግበት ከተማ ቤተ ክርስቲያን ውስጥ የመነቃቂያ ፕሮግራም ማካሄድ።